EPSON

Утвврдување на проблемот

Отстранувањето проблеми кај печатачот најдобро се изведува во два чекора: проблемот најпрво се утврдува, а потоа се применуваат решенија сè додека проблемот не се реши.
Информациите потребни за утврдување и решавање на највообичаените проблеми се дадени преку онлајн решавање на проблеми, контролната табла, алатката EPSON Status Monitor или преку изведување проверка на работата на печатачот. Видете го соодветниот дел подолу.
Доколку имате конкретен проблем поврзан со квалитетот на печатењето, проблем со испечатениот примерок, проблем со дотур на хартија или пак печатачот воопшто не печати, повикајте се на соодветниот дел.
За да го решите проблемот, можеби ќе треба да ја откажете наредбата за печатење.

Показатели на грешки

Можете да идентификувате многу вообичаени проблеми со печатачот со користење на сијаличките на печатачот. Доколку печатачот престане да работи а сијаличките светат или трепкаат, користете ја следната табела за утврдување на проблемот, потоа придржувајте се до препорачаните мерки за поправка.
Сијалички
Проблем и решение
Нема хартија
Не е ставена хартија.
Ставете хартија во фиоката за хартија и потоа протиснете го копчето за одржување. Печатачот продолжува со печатење и сијаличката се гаси.
Заглавена хартија
Хартијата е заглавена во печатачот.
Потрошено мастило
Патрон со мастило е празен или не е инсталиран.
Заменете го патронот со мастило со нов. Доколку сијаличката и понатаму остане вклучена откако стего замениле патронот, можеби не е инсталиран правилно. Повторно инсталирајте го патронот за тој да кликне на своето место.
Види Замена на патрон со потрошено мастило
Погрешен патрон
Патронот што е инсталиран не може да се користи со печатачот.
Извадете го несоодветниот патрон со соодветен патрон за мастило.
Види Замена на патрон со мастило пред да се потроши
Неправилно инсталиран патрон
Патрон со мастило не е ставен правилно.
Повторно инсталирајте го патронот со мастило.
Види Сијаличката за грешка трепка или останува вклучена и по замената на патронот
Мастило при крај
ПАтрон со мастило е речиси празен.
Набавете патрон со мастило за замена. За да одредите кој патрон е речиси празен, проверете ја состојбата на патроните со мастило.
Види Проверка на состојбата на патроните со мастило
Држач на патрони во погрешна положба
Држачот на патрони со мастило е попречен со заглавена хартија или друг надворешен материјал и не може да се врати во нормалната положба.
Исклучете го печатачот. Отворете го капакот на печатачот и отстранете ја хартијата или другата пречка од патеката по која минува на хартијата. Потоа повторно вклучете го печатачот. Доколку грешката не се отстрани, контактирајте го вашиот сервисер.
Наизменично трепкање
Перничето за отпадно мастило треба да се замени
Перничето за отпадно мастило е презаситено.
Контактирајте го вашиот добавувач за да го замените.
= вклучено, = исклучено, = трепка

EPSON Status Monitor (само за Windows)

Доколку проблемот настане за време на печатење, на прозорецот за приказ на состојбата се појавува порака за грешка.
Кога треба да замените патрон со мастило, кликнете на копчето How To од прозорецот, и EPSON Status Monitor ве води чекот по чекор низ постапката за замена на патронот.
Доколку се појави порака за грешка која укажува дека истекува рокот на траење на деловите во печатачот, перничето за отпадно мастило во печатачот е заситено. Контактирајте го вашиот добавувач за да го замените.
Напомена:
При користење на печатачот како печатач што се споделува во мрежа со следните комбинации на компјутери, оперативните системи на клиентот не можат да комуницираат со печатачот, и за таквите клиенти, некои функции не се достапни.
Сервер
Клиент
Windows Vista/XP
Windows 2000
Windows 2000
Windows Vista/XP

Проверка на работата на печатачот

Доколку не можете да го определите изворот на проблемот, извршете проверка на работата на печатачот за да ви помогне да определите дали проблемот е поврзан со печатачот или со компјутерот.
За извршување проверка на работата на печатачот, следете ги следните чекори.
Печатачот и компјутерот треба да бидат исклучени.
Исклучете го комуникацискиот кабел од печатачот.
Проверете дали во механизмот за дотур на хартија имате ставено хартија со А4 формат.
Држете го притиснато  копчето за одржување и притиснете го  копчето за напојување за да го вклучите печатачот. Кога печатачот ќе се вклучи, отпуштете ги двете копчиња.
Преку испечатената тест страницата се прави проверка на отворите. Доколку има прекини кај испечатениот примерок, треба да се исчисти главата за печатење.
Доколку страницата за тест се испечати, проблемот веројатно е во поставките на софтверот, кабелот или во компјутерот. Исто така можно е софтверот да не е правилно инсталиран. Деинсталирајте го и повторни инсталирајте го софтверот.
Види Деинсталирање на софтверот за печатачот
Доколку тест страницата не се испечати, проблемот може да биде во печатачот. Обидете се со предлозите дадени во следниот дел.
Види Печатачот не печати