EPSON

Проблеми со скенерот

Статусната сијаличка трепка

Статусната сијаличка е помеѓу  Копчето за напојување/ вклучување и  PDF копчето.
Боја
Статус на показателот
Значење
Зелена
 Вклучено
Подготвен за скенирање слики.
 Трепка
Иницијализација или скенирање.
Портокалова
 Трепка
Појава на грешка.
Проверете дали скенерот е правилно приклучен на Вашиот компјутер. Видете го листот Почнете оттука за упатства за поврзување на скенерот со Вашиот компјутер.
Проверете дали е софтверот на скенерот целосно инсталиран. Видете го листот Почнете оттука за упатства за инсталирање на софтверот од скенерот.
Притиснете го  копчето за напојување 3 секунди за да го исклучите скенерот, потоа повторно вклучете го. Доколку статусната сијаличка се уште трепка портокалово, скенерот можеби има грешка во работењето, или сијаличката од скенерот можеби треба да се замени. Видете Контактирање со центарот за поддршка на купувачите за детали.
(Нема)
 Исклучено
Скенерот е исклучен.

Скенерот не се вклучува

Проверете дали AC адаптерот од Вашиот скенер е правилно поврзан на скенерот и на електричниот приклучок.
Проверете дали електричниот приклучок работи. Доколку е потребно, испробајте го со вклучување на друг електричен уред и вклучете го.

Скенерот не се исклучува

Проверете дали сте го притиснале  Копчето за напојување 3 секунди за да го исклучите скенерот.
Проверете дали софтверот од скенерот не работи.

Не можете да го вклучите Epson Scan

Почекајте додека статусната сијаличка почне да свети зелено што покажува дека скенерот е подготвен за скенирање.
Проверете дали е скенерот вклучен.
Исклучете ги скенерот и компјутерот, потоа проверете дали е правилна поврзаноста со кабелот помеѓу нив.
Користете го USB кабелот што е доставен со Вашиот скенер или оној што е назначен во USB интерфејс.
Белешка:
Во некои подрачја, USB кабелот не е испорачан со скенерот.
Поврзете го скенерот директно со компјутерот преку влезот за USB или само преку еден USB хаб. Скенерот можеби не работи правилно доколку е приклучен со компјутерот преку повеќе USB хабови.
Проверете дали Вашиот компјутер поддржува USB. Видете Проверка за Windows USB поддршка за упатства.
Доколку користите некоја TWAIN-компатибилна програма, како што е Adobe Photoshop Elements, проверете дали правилниот скенер е избран како поставка за Scanner (Скенер) или Source (Извор).
Доколку сте извршиле надоградба на оперативниот систем од Вашиот компјутер, потребно е повторно да го инсталирате Epson Scan. Деинсталирајте го Epson Scan како што е опишано во Деинсталирање на вашиот софтвер за скенирање, а потоа повторно инсталирајте го како што е опишано во листот Почнете оттука.
Само за Windows:
Проверете дали името на Вашиот скенер се појавува под Imaging device (Уред за обработка слики) без прашалник (?) или извичник (!) во прозорецот Device Manager (Управник со уреди). Доколку името на Вашиот скенер се појави со еден од овие знаци или како Unknown (Непознат) уред, деинсталирајте го Epson Scan како што е опишано во Деинсталирање на вашиот софтвер за скенирање, а потоа повторно инсталирајте го како што е опишано во листот Почнете оттука.

Проверка за Windows USB поддршка

Направете нешто од следново.
Windows Vista: Кликнете на иконата од копчето за вклучување и изберете Control Panel (Контролна табла).
Windows XP: Кликнете Start (Старт) и изберете Control Panel (Контролна табла).
Windows 2000: Кликнете Start (Старт), означете Settings (Поставки) и изберете Control Panel (Контролна табла).
Кликнете System and Maintenance (Систем и одржување) и потоа System (Систем) (Windows Vista) или кликнете двапати на иконата System (Систем) (Windows XP и 2000).
Направете нешто од следново.
Windows Vista: Кликнете Device Manager (Управник со уреди), потоа кликнете Continue (Продолжи) во прозорецот User Account Control (Контрола на корисничка сметка).
Windows XP и 2000: Кликнете на картичката Hardware (Хардвер), потоа кликнете Device Manager (Управувач на уреди).
Придвижете се надолу и кликнете двапати на Universal Serial Bus controllers (USB контролери).
Доколку на списокот ги има USB Universal Host Controllers (USB универзални домаќин контролери) и USB Root Hub (USB главен хаб), Windows поддржува USB.
Обидете се повторно да скенирате. Доколку Вашиот скенер повторно не е препознат, побарајте помош од Вашиот добавувач или од квалификуван сервисер. Видете Контактирање со центарот за поддршка на купувачите за детали.

Притискањето на копче од скенерот не ја вклучува бараната програма

Проверете дали Epson Scan е инсталиран правилно.
Windows Vista и XP: Кликнете на картичката Events (Настани) во прозорецот Properties (Својства) на скенерот и проверете Take no action (Не преземај ништо) да не биде избрано. Исто така, проверете дали саканото копче е избрано во списокот за избор Select an event (Избери настан), и дали е избрано Start this program (Вклучи ја оваа програма). За детали, видете Доделување програмa со Windows Vista или Доделување програма со Windows XP.
Windows 2000: Кликнете на картичката Events (Настани) во прозорецот Properties (Својства) на скенерот и проверете дали полето за избор Disable device events (Исклучи настани на уред) не е избрано. Исто така, проверете дали саканото копче е избрано во списокот за избор Scanner events (Настани на скенер) и саканата апликација е избрана во списокот Send to this application (Испрати на оваа апликација). За детали, видете Доделување програма со Windows 2000
Mac OS X: Проверете дали сте пријавени како корисник кој го инсталирал софтверот од скенерот. Другите корисници мора прво да го вклучат Epson Scanner Monitor во папката Applications и потоа да го притиснат копчето за скенирање.