EPSON

Утврдување на проблемот

Отстранувањето проблеми кај печатачот најдобро се изведува во два чекора: проблемот најпрво се утврдува, а потоа се применуваат решенија сè додека не се реши проблемот.
Информациите што се потребни за утврдување и решавање на највообичаените проблеми се дадени во решавање на проблеми на Интернет, на контролниот панел, во алатката за набљудување на статусот или со активирање проверка на работата на печатачот. Видете го соодветниот дел подолу.
Доколку имате конкретен проблем поврзан со квалитетот на печатењето, проблем со отпечатениот примерок, проблем со дотур на хартија или пак печатачот воопшто не печати, осврнете се на соодветниот дел.
Можеби ќе треба да ја откажете наредбата за печатење за да го решите проблемот.

Показатели на грешки

Многу вообичаени проблеми може да се идентификуваат со проверка на показателите за грешка од контролниот панел на печатачот. Доколку печатачот престане со работа и не може да ги решите овие проблеми, видете ја табелата со показатели за грешка и понудените решенија од брошурата.

Набљудување на статусот

Доколку се појави проблем за време на печатење, појавува порака за грешка во прозорецот за набљудување на статусот.
Кога треба да замените касета со мастило, кликнете на копчето How To во прозорецот и екранот за набљудување на статусот ве води чекот по чекор низ постапката за замена на касета.
За да ја проверите состојбата на секоја касета со мастило, видете еден од следните делови:
Видете Користење на EPSON Status Monitor 3 (Windows)
Видете Користење на EPSON StatusMonitor (Mac OS X)
Доколку се појави порака за грешка која укажува дека истекува рокот на траење на перничињата за мастило во печатачот, контактирајте со поддршката на Epson за да ги замените. Кога перничињата за мастило се заситени, печатачот запира и потребна е поддршка на Epson за да се продолжи со печатење.

Проверка на работата на печатачот

Доколку не може да го определите изворот на проблемот, извршете проверка на работата на печатачот што ќе ви помогне да определите дали проблемот е поврзан со печатачот или со компјутерот.
Пред извршување проверка на работата на печатачот, проверете дали е предната фиока во позиција за хартија (спуштена позиција). Ако не е, подигнете ја рачката за фиоката и преместете ја предната фиока.
Внимание:
Не поместувајте ја предната фиока додека работи печатачот.
Не поместувајте ја рачката за фиоката додека работи печатачот.
Забелешка:
Пред да ја поместите рачката за фиоката, обезбедете да нема хартија и други предмети во предната фиока и предната фиока не смее да биде продолжена.
За извршување проверка на работата на печатачот, следете ги следните чекори.
Печатачот и компјутерот треба да бидат исклучени.
Исклучете го кабел за меѓуврска од приклучокот на печатачот.
Проверете дали е ставена хартија со форма А4 и дека фиоката за ЦД/ДВД не е вметната во печатачот, како и тоа дали е предната фиока во позиција за хартија.
Притиснете го копчето  On за да го вклучите печатачот.
Притиснете го копчето  [Поставки] за да влезете во режимот за поставки Setup.
Притиснете го копчето   или   за да изберете Maintenance, а потоа притиснете го копчето OK.
Притиснете го копчето   или   за да посочите на Nozzle Check, притиснете го копчето OK, а потоа притиснете го копчето  Start.
Проверка на прскалките се прави преку печатење тест-страница. Доколку има прекини во отпечатениот примерок, треба да се исчисти главата за печатење.
Доколку страницата за тест се отпечати, проблемот веројатно е во поставките на софтверот, кабелот или во компјутерот. Исто така, можно е софтверот да не е правилно инсталиран. Деинсталирајте го и повторно инсталирајте го софтверот.
Видете Деинсталирање на двигателот на печатачот
Доколку тест-страницата не се отпечати, проблемот може да биде во печатачот. Обидете се со предлозите дадени во следниот дел.
Видете Печатачот не печати